Promosie-artikel:
G.North, ‘n nuwe sake-afdeling wat spesialiseer in die verkope en ondersteuning van landbou-implemente, is deur die Capital Equipment Groep (CEG) van Invicta Holdings Beperk geloods.
“Die nuwe maatskappy is op gepaste wyse vernoem na die oorspronklike G.North & Son Limited, wat in 1869 as verspreiders van landbou-implemente gestig is,” het mnr. Tony Sinclair, hoof-uitvoerende beampte van Invicta se Capital Equipment Groep, verduidelik.
“Ons gaan terug na die oorspronklike filosofie van die maatskappy deur alle implemente wat deur Invicta se landbou-afdelings verkoop word – Northmec en New Holland – saam te voeg om een groot spesialisafdeling te vorm.
“Hierdie samevoeging verbreed die Groep se dienste aan ‘n uitgebreide kliëntebasis wat boere, handelaars en verspreiders insluit. Dié skuif gee die nuwe maatskappy ook die vryheid om enige nuwe handelaar of verspreider in die mark aan te stel – selfs buite die Northmec en New Holland verspreidingsnetwerk – wat heelwaarskynlik markpenetrasie sal verbeter.
Fokus op handelsmerke
“ ’n Kritiese deel van die Groep se groeistrategie is om te verseker dat daar ‘n spesifieke fokus is op produkhandelsmerke en te verseker dat opleidingsinisiatiewe geteiken word om individuele produkreekse te bevorder en die hoogste standaarde in die landbousektor te handhaaf. ‘n Span hoogs bekwame spesialiste verskaf die tegniese raadgewing, ondersteuning en onderhoud om die gebruik van die toerusting te optimiseer en produktiwiteit te verhoog.”
G.North sal topgehalte handelsmerke versprei wat Jacto-sproeiers, Baldan-grondbewerkingstoerusting, Welger-balers, Lely-voertoerusting, Sitrex-harke, Storti-voermengers en Stara-graanhantering- en verspreidingstoerusting insluit. Ook in die reeks is Franco Fabril-sonneblomstroperkoppe, Geringhoff-stroperbybehore en Santa Izabel se kontrasnyeg-reeks.
Machio Gaspardo-toerusting sluit in wentelkapploeë, kragharke, stokkiekappers, rygewasskoffels, presisieplanters en fynsaadplanters. Camara-misstrooiers is in 8 en 12 ton modelle beskikbaar. Quantum se gemonteerde spuite en sleepspuite sal deur uitgesoekte New Holland-handelaars versprei word.
Vir meer inligting, kontak mnr. Steph Strydom vanG.North.
Posbus 851 Isando 1600
Kantoor: 011 922 2300
E-pos: stefs@northmec.co.za
