Die Britse publikasie Farmers Weekly berig dat daar op Maandag 23 Januarie ’n klein oorlog op die veiling was toe dié rooi Porsche Diesel Junior onder die hamer kom. Die bod is toegeken aan ’n koper wat £23 750 aangebied het.
Die klein werkesel het ’n ryk geskiedenis. Sedert dit in 1960 deur die onderneming FC Hanbury in Worcestershire gekoop is, het dit die hele tyd op dieselfde familieplaas diens gedoen.
Die verkoper het die trekker onlangs ten volle gerestoureer. Die trekker het nog baie van sy oorspronklike onderdele, soos die stuurwiel en brandstofmeter.
Die Junior se topspoed is 18 myl per uur, oftewel net onder 29 km/h. Dit het ’n lugverkoelde tweeslag-turbodieselenjin met een silinder.
Porsche het landboumasjinerie vervaardig lank voordat dit sportmotors begin maak het.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
