Toegang tot betroubare, hoë-gehalte en bekostigbare produkte is deurslaggewend vir die vooruitgang van ontluikende en klein plaasgemeenskappe. Boere wat op kleiner skaal boer, kyk eerder na tweedehandse landboutoerusting as na die duurder, nuwe masjinerie. In die verlede was die platforms waar ’n mens betroubare tweedehandse toerusting in die hande kon kry egter beperk.
Clear Asset, ’n Suid-Afrikaanse mynbouveilingmaatskappy, het hierdie behoefte uitgeken en het ’n plan ontwikkel om aan die snelgroeiende aanvraag na betroubare tweedehandse plaastoerusting te voldoen.
Die maatskappy gaan nou ’n wye verskeidenheid lanboumasjinerie en -toerusting deur middel van hul aanlynveiling-platform op die mark beskikbaar stel. Met die eerste landbouveiling wat vir 30 September beplan word, gaan verskeie bates van Afgri op die mark kom.
“Met ’n groot verskeidenheid stropers, trekkers en sproeiers, almal met die gesogte John Deere-handelsmerk, is dit ’n nuwe platform vir die landbousektor. Dit het ook reeds nasionale kopers, sowel as kopers van Afrika-buurlande, gelok,” sê me. Ariella Kuper, Clear Asset se besturende direkteur.
Van die masjinerie beskikbaar sluit in: John Deere 5715/6215, Claas Lexion 760-stroper, John Deere S660S STS/S550/ 9760 STS-stroper, 4730-sproeier, 9530/6403 MFWD/6115D-trekker en ’n 1770 NT-planter.
In aanvulling tot die landbouvoorraad kan oordeelkundige kopers ook ’n CAT D6R-stootskraper, gewilde boorpunte van Anglo se Sishen-myn, asook mangaanvoerings te koop kry.
Besoek gerus www.clearasset.co.za vir meer inligting of kontak mnr. Neels Olivier by 082 321 7079.
