Vir die jaar tot dusver is trekkerverkope nou byna 19% laer as wat dit vir die ooreenstemmende tydperk verlede jaar was.
Stroperverkope vir April is byna 19% hoër as stroperverkope verlede April en is steeds ongeveer 27% hoër vergeleke met die ooreenstemmende tydperk verlede jaar.
Mnr. Leon Pretorius, voorsitter van die SA Landboumasjinerie-assosiasie, sê 'n kombinasie van faktore het daartoe gelei dat trekkerverkope aansienlik laer was in April. "Eerstens was April 'n baie moeilike handelsmaand. Tweedens is April 'n stil maand ten opsigte van landbou-aktiwiteit.
"Die konsolidasie in die mark het daartoe gelei dat potensiële kopers hul omstandighede met betrekking tot die aankoop van trekkers heroorweeg. Dit het beteken dat baie besluite oor aankope uitgestel is tot later. Omstandighede sal ongetwyfeld heroorweeg word sodra besonderhede oor oeste, die ekonomie en pryse duideliker is."
Stroperverkope bly goed in reaksie op die goeie oeste wat op die oomblik op land staan.
14 Mei 2009
