Die verkoop van nagemaakte kettingsae is besig om in Suid-Afrika toe te neem en verbruikers word gewaarsku om nie sae te koop wat nie aan die vereistes vir oorspronklike onderdele, werking of veiligheid voldoen nie.
Volgens STIHL, 'n internasionale kettingsaagvervaardiger, word al hoe meer van sy modelle nagemaak en in Suider-Afrika verkoop. Die nagemaakte modelle lyk baie soos die oorspronklike modelle omdat dit dieselfde kleurskema en soms ook die STIHL-handelsmerk op het, sê mnr. Hayden Hutton, nasionale verkoopsbestuurder.
Soms word nagemaakte aandrywingseenhede van die regte STIHL-leistawe en kettings voorsien. “Om veiligheidsrisiko’s te vermy raai ons kopers aan om nie nagemaakte kettingsae te koop nie. Ons kan nie die diens en veiligheid daarvan verseker nie,” het Hutton gesê.
3 Augustus 2009
