PROMOSIE: Die Wêreldkongres vir Volhoubare Landbou vind op 11 en 12 Julie 2012 in Singapoer plaas. Dié konferensie sal die hele voedselwaardeketting betrek, insluitend agribesigheids- en landbouleiers, voedselvervaardigers, NRO’s, akademici en beleidmakers, om die probleme en oplossings te bespreek wat nodig is om volhoubare landbou vir toekomstige voedselsekerheid te verseker.
Die deelnemers, wat sal insluit mnr. Gaurav Sood, hoof van Crop Solutions by New Holland Fiat in Indië, sal besprekings hou en debat aanmoedig oor onder meer die nuutste landboutegnologie, volhoubare landbou-inisiatiewe, ekostelsel-gebaseerde benaderings tot die gebruik van grond en groeiende neigings in boerderymeganisasie.
New Holland, die leier in skoon energie
New Holland se borgskap van dié konferensie val binne die raamwerk van sy Clean Energy Leader-strategie wat sy verbintenis tot die omgewing weerspieël, asook sy beskouing dat landbouvervaardigers ’n kernrol speel ten opsigte van die beskerming van die landbou-omgewing vir toekomstige geslagte. Dié handelsnaam is gefokus op die ontwikkeling van oplossings wat boerdery doeltreffender sal maak, maar terselfdertyd die omgewing sal respekteer. Hierdie is die grondslag van sy Clean Energy Leader-uitgangspunt, wat insluit pionierswerk met biodiesel, lae vrystellingstegnologie wat voldoen aan Tier 4A-regulasies, biomassa, die Energy Independent Farm-konsep, die NH²™-waterstoftrekker en die verkleining van die koolstofspoor.
New Holland se voorlegging sal op die tweede dag van die konferensie plaasvind en die sessie oor nuwegenerasie-gewastegnologie vir volhoubare landbouproduksie open. Sood sal insae bied tot die voordele van die gemeganiseerde oes van suikerriet en die insameling van biomassa.
Volledige stelsels vir die verbouing van suikerriet en insameling van biomassa
Deur te steun op sy wêreldwye spoor, geteikende inisiatiewe en jarelange aanwesigheid in die mark, ondersteun New Holland – met sy sustermaatskappy Case IH – suikerriet- en biomassaprojekte in Indië, terwyl produktiwiteit verbeter en die ontwikkeling van volhoubare landboupraktyke uitgebou word.
New Holland bied sy uitgebreide ervaring en volledige reeks masjinerie, van geharde en gebruikersvriendelike trekkers en werktuie vir alle grondvoorbereidings- en verbouingstake en vervoer, tot balers en harke vir die insameling van biomassa vir gebruik in onafhanklike en ko-generasie-kragstasies. Hierby het die maatskappy ook toegang tot Case IH se toonaangewende suikerriet-oesmasjiene en kundigheid.
Hierdie tipe projekte, wat ondersteun word deur die doeltreffendste tegnologie en verbouingsmetodes, toon duidelik hoe goed beplande landboumeganisasie kan bydra tot die opheffing van die ekonomie, omgewing en maatskaplike omstandighede van landelike omgewings vir huidige en toekomstige geslagte in snelgroeiende en ontluikende markte.
Meer oor New Holland
New Holland Agriculture is sedert 1895 verbind tot die lewering van oplossings wat boerderydoeltreffendheid en produktiwiteit verbeter deur van toeganklike tegnologie gebruik te maak. In 2006 is die Clean Energy Leader-strategie geloods vir die aktiewe bevordering van hernubare brandstowwe, vrystellingverminderingstelsels en volhoubare landboutegnologie.
New Holland bied aan kontantgewasprodusente, veeboere, kontrakteurs, wingerde en grondversorgingspesialiste die grootste keuse van gebruikersvriendelike trekkers, oesmasjiene en hanteringstoerusting: meer as 80 produklyne en meer as 300 modelle. As ’n afdeling van CNH bied New Holland ook aan sy kliënte in die biomassabedryf toegang tot die suikerriet-oesmasjiene en tegnologiese kundigheid van sy sustermaatskappy Case IH.
New Holland Agriculture is ’n wêreldwye vervaardiger en verkoper van landboutoerusting. Sy reputasie word gebou op die sukses van sy kliënte, kontantgewasprodusente, veeboere, kontrakteurs, wingerde of grondversorgingspesialiste. Hulle kan staatmaak op die grootste aanbod van innoverende produkte en dienste: ’n volledige reeks toerusting, van trekkers tot oesmasjiene en hanteringstoerusting, afgerond met pasgemaakte finansiële dienste van ’n landbouspesialis.
