Butali-suikermeule in Kenia het verlede maand 50 TS6000 New Holland-trekkers in ontvangs geneem. Dié trekkers is aanvullend tot die meule se vloot van 200 New Holland-trekkers.
Butali-suikermeule is in westelike Kenia geleë en word deur sowat 30 000 kontrakboere gevoer. Die meule gebruik New Holland-trekkers met suikerrietwaens om dié boere se suikerriet op hul plase op te laai. Dié trekkers loop 20 ure per dag oor drie skofte versprei.
Mnr. Sanjay Patel, besturende direkteur en hoof uitvoerende beampte van Butali-suikermeule is baie entoesiasties oor die trekkers. “Ons werk ons trekkers hard deur suikerriet daagliks vanuit ’n 30 km-radius na die meule te vervoer.
Die robuuste ontwerp van dié trekker, en die maklike onderhoud en modifikasies aan die TS-reeks oor die jare, maak dit die ideale trekker vir ons besigheid,” sê hy. Hy voeg by dat amper geen trekkers is hul vloot ouer is as vyf jaar nie aangesien die vloot gereeld aangevul en hernu word.
