Trekkerverkope van 455 eenhede is byna 46 % hoër as die 312 eenhede wat in Maart verlede jaar verkoop is, sê mnr. Charles Van Niekerk, voorsitter van die Suid-Afrikaanse Landboumasjinerie-assosiasie.
Vir die jaar tot dusver is trekkerverkope byna 9 % hoër vergeleke met die ooreenstemmende drie maande verlede jaar. Stroperverkope vir die jaar tot dusver is marginaal laer as verkope verlede jaar, terwyl verkope vir Maart skerp gedaal het vergeleke met Maart verlede jaar. Balerverkope het aansienlik gedaal vir die maand en vir die jaar tot dusver.
"Syfers vir trekkerverkope word verberg deur uitstekende heersende uitvoerverkope wat die algehele syfer versterk. Die plaaslike mark is redelik stil en daar word steeds "gewag en gekyk" soos verlede maand genoem is. Oespryse bly redelik bestendig en boere met redelike oeste koop steeds landboutoerusting. Diegene wat verliese gely het weens die droogte, sal eers weet wat die volle omvang van die skade is wanneer hulle begin oes," sê Van Niekerk.
4 April 2007
