Trekkerverkope in November was bykans 22% laer as in die oorstemende tydperk verlede jaar, sê die Suid-Afrikaanse Landboumasjinerie-assosiasie.
Trekker- en stroperverkope het in November weer gedaal en die verwagting is dat verkope vir vanjaar eerder sowat 25% laer as verlede jaar sal wees as die beraming van 30% vroeër vanjaar. Volgens die Suid-Afrikaanse Landboumasjinerie-assosiasie is 438 trekkers in November verkoop.
Dít is sowat 22% minder as verlede November se 560 eenhede. Stroperverkope was sowat 20% laer as in die ooreenstemmende tydperk verlede jaar. Faktore, soos die rentekoers, die weer, betreklike lae graanpryse en moeilike finansiering speel steeds ’n rol in dié daling.
7 Desember 2009
