Trekker- en stroperverkope het in Augustus gedaal vergeleke met dieselfde maand verlede jaar. Die verwagting is dat vanjaar se verkope aansienlik laer as verlede jaar s’n sal wees.
Daar is in Augustus vanjaar 490 terkkers en 13 stropers verkoop, sê die Suid-Afrikaanse Landboumasjinerie-assosiasie. Dit is onderskeidelik 6 % en 35 % minder as verkope in Agustus verlede jaar. Trekkerverkope vir vanjaar is sover 21 % laer as verlede jaar en stroperverkope 9 % laer.
Faktore wat vir dié daling verantwoordelik gehou word, is ’n afname in oespryse, versigtige, potensiële kopers en die gesukkel om bankfinansiering te kry.
Maatskappye is egter besig om die uitwerking van ’n sterker geldeenheid aan verbruikers deur te gee met prysverlagings en kortings op toerusting. Dít sal verkope op kort termyn stimuleer.
4 September 2009
