Dié ooreenkoms is die gevolg van jare lange gesprekke tussen John Deere en die AFBF, sê me. Janalize van Buuren, John Deere se direkteur van naverkope- en klante-ondersteuning vir Afrika, Indië en Asië se Stille Oseaanstreek.
“Die ooreenkoms formaliseer die verbintenis wat lank reeds tussen John Deere en sy klante bestaan en wat hulle toegang tot sekere gereedskap en hulpbronne gee sodat hulle hul toerusting kan ondersoek, onderhou en herstel.”
Die memorandum van verstandhouding dek Amerika en Puerto Rico. “Dit is ’n lewende dokument wat sal aanhou ontwikkel namate verdere gesprekke gevoer en daar meer oor die kwessie geleer word. Dit verander nie die wyse waarop John Deere in Suid-Afrika sake doen nie.”
