Die waarde van biodiversiteit in die bestuur en beleidsvorming oor weiveld word deur die Namibiese Weiveld-forum ondersoek.
Die rol van biodiversiteit in weiveldbestuur en -beleid is die tema van die Namibiese Weiveld-forum se dertiende byeenkoms op 27 en 28 Oktober by die Neudamm-landboukollege in Windhoek.
Dié forum bestaan uit boere, verwante werkers en wetenskaplikes met ’n belang in die ekonomiese en ekologiese bestuur van Namibië se weivelde.
Vanjaar se forum sal gerig wees op die rol wat biodiversiteit speel in die verskaffing van ekologiese dienste wat bydra tot die gesondheid van weiveld en produktiwiteit. Die uitwerking van verskillende soorte weiveldbestuur op biodiversiteit sal ook onder die loep wees.
Namibië se beleid en strategie om weiveldbestuur sal ook bestudeer word om te bepaal of dit biodiversiteit steun.
22 Oktober 2009
