Dis so maklik. BVG in samewerking met Landbou.com, Landbouweekblad, GrainCo, Suidwes Graan en die Johannesburgse Effektebeurs maak almal meer vertroud met afgeleide instrumente. Inskrywings sluit 17 Februarie 2017.
Hier is die vinnige en maklike stappe:
Stap 1: Op BVG se webtuiste www.bvg.net gaan na die afdeling: Kompetisie
Stap 2: Kies die gedeelte; Hoe neem ek deel, en kliek op: portal.bvg.net of gaan direk na die portaal: http://portal.bvg.net/
Stap 3: Alle kliënte moet eers op die portaal registreer om toegang tot die kompetisie se inligting te kry.
Stap 4: Wanneer jy ingeteken is, druk op “Competition” en dan op “General Info”
Stap 5: Registreer vir die kompetisie deur net op die “register” knoppie te druk.
BVG maak gedurende die kompetisie-tydperk sy portaal en graanverslae aan alle kliënte oop om meer inligting oor die verskansing van graan te verskaf.
Prysgeld beloop R45 000. Die kompetisie begin op 17 Januarie, maar deelnemers moet vóór 17 Februarie 2017 registreer. Die sluitingsdatum is 29 April.
Raak vertroud met afgeleide instrumente
Die doel van die kompetisie is om deelnemers meer vertroud te maak met die gebruik van afgeleide instrumente en kontraktering om risiko te bestuur. Deelnemers moet poog om die hoogs moontlike inkomste te verkry deur termynkontrakte en opsies te koop en te verkoop en gebruik te maak van voorseisoenkontrakte, sonder voor die hand liggende spekulasie.
‘n Deelnemer moet die fiktiewe bemarking van 4 000 ton wit mielies (WMAZ) doen, asof hy/sy in Coligny-distrik boer. Die kontrakte is vir lewering in Julie 2017 en die JSE se JUL17 WMAZ-kontrak word as prysbepaler gebruik. Uitgawes is vasgestel op R8,5 miljoen (direkte uitgawes van R6,5 miljoen en indirekte uitgawes van R2 miljoen), met ‘n vervoerdifferensiaal van R270.
