Die Blocuso-wynbedryfsontwikkeling buite Keimoes in die Noord-Kaap kan beskou word as ’n voorbeeld van ware bemagtiging en grondhervorming in die wynbedryf.
Volgens mnr. Herman Cruywagen, hoofbestuurder van Oranjerivier Wynkelders (OWK), een van die vennote in die Blocuso-projek, is swart ekonomiese bemagtiging (SEB) in die landelike gebiede van die Noord-Kaap ononderhandelbaar en broodnodig.
“Soos die geskiedenis bewys het, is die letters SEB nie noodwendig ’n waarborg vir sukses nie. Ware bemagtiging is afhanklik van vennootskappe tussen partye wat elk die vaardighede het om ’n spesifieke projek te laat werk. Die begunstigdes van die projek moet ook geïnspireer word om hul rol in die sukses van die projek te besef.”
Die Blocuso-wynbedryfsontwikkeling is ’n gesamentlike onderneming tussen die departement van landbou, grondhervorming en landelike ontwikkeling in die Noord-Kaap, die Departement van Waterwese en Omgewingsake, die OWK en die Blocuso-trust. Die trust van meer as 400 begunstigdes is lede van die gemeenskappe Bloemsmond, Curriescamp en Soverby tussen Upington en Keimoes.
Lees meer in Landbouweekblad se uitgawe van 13 November 2009.
5 November 2009
