AnimalZone naby Stellenbosch spits hom op die vervaardiging van troeteldierkos toe en verskaf veeartsenykundige dienste en produkte vir voëls by sy voëlkliniek by Klapmuts.
Kyk hier na 'n videogreep van dié nuwe aanleg.
Dié maatskappy glo dat ervaring en wetenskap die grondslag van die ontwikkeling van gesonde en smaaklike troeteldierkos is en het onlangs 'n splinternuwe fabriek opgerig.
Dié fabriek bestaan uit ou verskepingshouers. Die doeltreffende gebruik van energie speel 'n belangrike rol in die vervaardigingsproses. Die voedselprodukte, genaamd Petline, word met die hulp van swaartekrag verpak om energieverbruik te beperk. Die kos word uit natuurlike produkte vervaardig. Hulle gebruik 'n "koue" proses om te verseker dat die voedingswaarde van die kos se bestanddele behou word en nie deur hitte vernietig word nie.
AnimalZone ontwikkel ook nuwe soorte troeteldierkos en doen self die navorsing wat daarmee gepaardgaan. Die maatskappy se Petline-reeks is gebore uit 'n behoefte aan toeganklike, gebalanseerde en bekostigbare troeteldierkos. Dit word heeltyd verbeter en verfyn.
Diegene met vrae oor voëlgesondheid en -kos kan 'n e-pos na webred@landbou.com stuur wat deur dr. Deon de Beer van AnimalZone se kliniek beantwoord sal word.
7 April 2009
