Indië sal waarskynlik in die toekoms Australië se grootste uitvoermark vir landbouprodukte wees, luidens ’n berig op Theland.com. Dié twee lande deel ’n passie vir krieket, Indië se ekonomie groei vinniger as China s’n en sowat 90 miljoen mense in Indië praat elke dag Engels as hul tweede taal.
Australië se federale regering werk ook tans ’n vryhandelsooreenkoms wat hopelik teen die einde van die jaar met Indië gesluit sal word. Mnr. Narendra Modi, Indië se eerste minister, se positiewe houding teenoor besigheid beteken ook dat internasionale vertroue in dié land groei.
Hoewel Indië self ’n groot graanprodusent is, skiet die land nog veral tekort wat moderne opgaargeriewe en hanteringsinfrastruktuur aangaan. Australië gaan ook op dié gebied hul kennis deel.
Lees die volledige berig hier.
