Afrika se waarde vir wêreldwye pluimveeproduksie, asook die diagnose van siektes, is op die program vir die Wêreldvereniging vir Pluimveeveeartse (WVPA) se kongres wat tans in Kaapstad plaasvind.
Die onderwerpe onder bespreking sluit in inenting teen voëlgriep, die rol van mikotoksiene in pluimveesiektes, die produksie van veilige eiers en vleis, die welstand van pluimvee, parasietbeheer en siektes onder volstruise, eende en kalkoene. Dit is die eerste keer dat dié byeenkoms in Afrika suid van die Sahara aangebied word, en is deur die Suid-Afrikaanse tak van die WVPA en die Suid-Afrikaanse Veertsenykundige Vereniging saamgeroep.
Besoek gerus die kongras se webwerf, www.wvpac2015.com, vir meer inligting oor sprekers, praatjies en werkswinkels wat aangebied word.
