Ons vriende bestuur ’n skoliere-uitruilprogram waardeur Europese skoolkinders vir ’n paar kwartale hier in Suid-Afrika kom klas loop en sommer by ’n plaaslike gasfamilie tuisgaan.
Dit is interessant om te luister hoe die Europese kinders dink. Hulle sal immers in die toekoms ’n belangrike deel van Suid-Afrika se landbouverbruikersmark wees namate ons nóg meer hoëwaardeprodukte na daardie gegoede, maar toenemend kieskeurige markte uitvoer. Baie van die kinders is vegetariërs of selfs veganiste.
Hul motiewe is edel – om geen vleis te eet nie, beteken immers minder diere en dus minder metaangas uit hul rumen. Dit is iets wat hulle kan doen om te help. Die besoedeling van die vliegtuig wat hulle na Suid-Afrika gebring het, word egter om onverklaarbare wyse verswelg.
