Die buffels wei glo steeds daar op Phala Phala, al het hul geld self nou al ’n bietjie gereis sedert die transaksie glo in 2020 beklink is. Dit klink vir Manie of hulle die transaksie maar stil gehou het.
Net Ramaphosa, die Soedannese koper en die vrou wat die banke afgestof het, het daarvan geweet. O, en die natuurlik die outjies wat die dollars kom gaps het en toe vort is Namibië toe. Van daar af is Manie nie seker hoe sake verloop nie.
Dit klink of Ramaphosa se polisie-pêlle die ouens agterna gesit het, maar Manie weet nie of hulle die dollars toe teruggebring het nie? As ’n dollar eers aan’t hol is, spoor ’n mens hom nie maklik weer op nie. Dit is anders met buffels.
