Dít is nou nadat ’n plaaslike studie by die Universiteit van Pretoria getoon het dat aanhoudende rustige klassieke musiek koeie kan help om meer melk te produseer. Ja. Komponiste soos Mozart, Beethoven en Grieg het sekerlik nie besef dat hulle ’n bydrae tot die landbou lewer nie.
Daar is bevind dat strelende klassieke musiek melkkoeie se stresvlakke verlaag en só hulle help om meer te produseer. Die studie is gedoen deur Lize-Mari Erasmus, ’n voormalige lid van die universiteit se Camerata-koor wat ook ’n meestersgraad (cum laude) in dierewetenskap behaal het.
Voor haar landboustudie het sy ook ’n BA-graad in musiek behaal wat haar in staat gestel het om haar twee groot passies – musiek en diere – te kombineer. Manie verstaan dit was die eerste studie in sy soort in Suid-Afrika.
