‘n Plaaslike olyfolie van die Willow Creek-olyflandgoed in die Nuy-vallei het as algehele wenner uit die stryd getree in die Italiaanse L’Orciolo d’Oro-kompetisie in Gradara. Die olie, Willow Creek se Directors’ Reserve Ekstrasuiwer Olyfolie, is as die beste intensvrugtige olie aangewys.
Olyfolieprodusente van onder meer Italië, Spanje, Griekeland, Australië en Argentinië het mekaar die stryd aangesê as deel van dié elf jaar oue kompetisie.
Willow Creek se prestasie is gevolg deur nóg pluimpies in die Los Angelese Internasionale Ekstrasuiwer Olyfoliekompetisie. In dié kompetisie het Willow Creek se Directors’ Reserve en Ekstrasuiwer Olyfolie asook sy Ekstrasuiwer Olyfolie goue medaljes verower terwyl sy Basilie- en Parmesan-gegeurde olies bronsmedaljes gewen het.
29 Junie 2009
