Suid-Afrika se eerste suiwelkompetisie is 180 jaar gelede deur Agri-Expo geïnisieer toe deelnemers meegeding het om die titel van beste nabootsing van ? Nederlandse kaas. Vanjaar het 68 produsente 821 produkte ingeskryf in kategorieë vir boter, kaas, maaskaas, jogurt, gegeurde melk, suiweldoopsouse, roomys en suiwelnagereg.
“Die verskeidenheid van suiwelprodukte, en veral kaas, wat van boetiek- sowel as groter vervaardigers beskikbaar is, is inderdaad merkwaardig. Die verbruiker het ook intussen noemenswaardig ontwikkel in terme van voorkeure en kennis van suiwelprodukte,” meen Johan Ehlers, hoof uitvoerende beampte van Agri-Expo, organiseerder van die SA Suiwelkampioenskappe.
Gedugte span beoordelaars
Die span van 58 beoordelaars vanuit ses provinsies met die reuse-taak om honderde produkte te proe en evalueer, bestaan uit kundiges op die gebied van kaas, kosstrukture en sensoriese evaluasie.
Gevierde sjefs en kosskrywers soos Eat Out se Top 10 sjef Chris Erasmus (Pierneef by La Motte), Rudi Liebenberg (uitvoerende sjef by die Mount Nelson), Craig Cormac (Sofia’s by Morgenster), Tanja Kruger (Makaron Restaurant) en Abigail Donnelly (redakteur van Eat Out en TASTE-tydskrif) maak deel uit van die groep wat verantwoordelik is vir die beoordeling van kaas. “Dit is belangrik dat ons terugvoer kry van professionele koskenners wat suiwel daagliks in een of ander vorm gebruik. Hulle staan aan die voorpunt van die land se kosneigings en ons het nodig om na hulle te luister,” sê Ehlers. Die bekende internasionale kaasbeoordelaar, Ulf Mortensen, en Woolworths se kaaskundige, Suzy O’Regan, is ook genooi om hul uitgebreide ervaring en kundigheid met die beoordelingspaneel te deel.
Suiwelneigings
? Nuwe kategorie vir roumelkkaas is verlede jaar geskep. “Ons sien vanjaar reeds ? styging van 52% in inskrywings vir hierdie kategorie – ? duidelike aanduiding dat kaasliefhebbers groot waardering het vir die robuuste smaak van hierdie spesialiteitskaas,” sê Ehlers. Voorts het die aantal bokmelkproduk-inskrywings gestyg van 14% in 2008 tot 27% vanjaar.
Die hoogste eer van die kompetisie – om as die Suiwelproduk van die Jaar gekroon te word – word tydens die DuPont Qualité-galageleentheid op Woensdag 23 April by GrandWest aangekondig. Suiwelprodusente stel ook hul visier in op die gesogte Qualité-toekennings wat ? paar uitsoekprodukte beskore is. Hierdie topprodukte verdien die voorreg om die Qualité-plakker – Suid-Afrika se mees betroubare simbool van suiwelgehalte – ten toon te stel.
Vir meer inligting of die volledige uitslae van die SA Suiwelkampioenskappe, kontak Mariana Rabie by mariana@agriexpo.co.za of 021 975 4440 / 082 871 1114 of besoek www.cheesesa.co.za.
