Shoprite se markaandeel het in September met 1,6% gegroei tot sy hoogste vlak nóg, maar die kleinhandelaar meen die volgende paar maande gaan uitdagend wees.
Shoprite sê sy aandeel in die Suid-Afrikaanse kleinhandelmark het in September met 1,6% gestyg tot 31,67%. Dit is sy hoogste vlak nóg en beteken dat dié kleinhandelaar sy mededingers uitstof en die grootste markaandeel in die supermarksektor het, luidens ’n berig van Fin24.com.
Die maatskappy se omset het met 15,3% gestyg in die drie maande tot September. Die groep se belange buite Suid-Afrika se verkope het in dié tydperk met 16,5% gestyg. “Dié resultate is behaal in ’n tydperk waarin plaaslike voedselinflasie afgeneem het tot sowat ’n derde van wat dit in dieselfde tydperk verlede jaar was,” sê die maatskappy.
Bron:
26 Oktober 2009
