Mnr. Gert Jordaan, ’n afslaer by BKB, sê hy neem die seisoen waar dat die gemiddelde pryse vir ramme en kommersiële ooie gedaal het. Daar was wel uitsonderings vir boere wat hoër gemiddelde pryse behaal het.
“Goeie teelmateriaal het wel goeie pryse behaal, maar kommersiële ramme en ooie se pryse was wesenlik onder druk.”
Jordaan glo dit is onder meer omdat kontantvloei steeds ’n kwessie is vir kleinveeboere, ondanks die goeie reën wat tot dusver geval het ná die lang droogte.
