Simeon en Jarred Hurwitz van Davel was die kopers.
Die duurste bul is deur Gerrit Potgieter van Ooskus Borans, Komga, geteel en vir R550 000 aan Paul de Wet van Kestell verkoop.
Gerrit het ook die duurste koei met kalf vir R550 000 aan Ridwaan Moola van Heilbron verkoop.
Dit was ook die eerste Boran-veiling waarop geseksde embrio’s te koop was. Embrio’s het gemiddeld R7 000 behaal.
Gerrit het die duurste embrio van Stompie Olivier se Hotspot Cattle-stoetery, Ventersdorp, vir R13 000 gekoop.
Altesaam 18 telers het puik teelmateriaal beskikbaar gestel en die totale aanbod bont Borans is op die veiling by die Fire & Wine-arena in Pretoria verkoop.
Bulle het gemiddeld R330 000 behaal, dragtige koeie gemiddeld R130 000, dragtige verse gemiddeld R190 714 en semenstrooitjies gemiddeld R8 250.
Johan van der Nest was die afslaer. SHM en Meerkat het die veiling aangebied.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
