Die tweede Sol D'Oro-kompetisie vir olyfolie in die Suidelike Halfrond, vind van 7 tot 11 September in Kaapstad plaas.
Dié kompetisie word reeds die afgelope 13 jaar in Verona, Italië, aangebied, vir olyfolie in die Noordelike Halfrond.
Vir die kompetisie in Kaapstad kan olyfolies van Argentinië, Chili, Peru, Brasilië, Uruguay, Australië, Nieu-Seeland en Suid-Afrika ingeskryf word. Die doel van die kompetisie is die bevordering van die gehalte en internasionale erkenning van ekstra suiwer olyfolie uit die Suidelike Halfrond.
Registrasie en ontvangs van inskrywings is tot op 1 September 2015. Verdere inligting en aflaaibare dokumente is beskikbaar by http://www.solagrifood.com/en/exhibitors-area/sol-doro-competition/. Dit sluit in die kompetisiereëls, die registrasievorms en inskrywingsgeld. Die laaste dag vir inskrywings is 1 September 2015.
