Suikerriet is die dominante boerderygewas in Mauritius en word op 85% van die eiland se bewerkbrae grond verbou. Bagasse, of uitgeperste riet, en ander suikerrietafval is die rou materiale wat deur Terragen, ’n kragopwekkingsmaatskappy, gebruik word om elektrisiteit op te wek gedurende suikerrietoes-seisoen, wat van Julie tot Desember strek. Tussen oeste word steenkool gebruik.
“Ons het die LB 434R aan die begin van die oestydperk ontvang. Gedurende die seisoen sal die baler tussen agt and tien ure per dag werk, met ’n daaglikse gemiddelde produksie van 20 bale per uur. Sover is ons baie gelukkig daarmee. Die gehalte van die bale is deurlopend hoog. Hulle bly lekker kompak,” verduidelik me. Lauriane Mietton, Terragen se agronoom vir biomassaprojekte.
“Ons uitstekende verhouding met ons Case IH-handelaar is ook van kritiese belang vir ons besigheid, veral wat tegniese ondersteuning en parte betref. Die baler is tegnologies gevorderd, wat beteken dat opleiding nodig is om die beste uit die implement te kry,” sê Mietton.
Terragen se 70,6 megawatt-kragstasie wek sowat 400 GWh krag per jaar op, wat 15% van Mauritius se jaarlikse elektrisiteitsverbruik dek.
