MorClick bied nou, slegs in dié provinsie, twee pakkette vir ’n 5 Mbps-satellietinternetverbinding wat boere basiese internetgebruik bied, soos om e-pos te stuur, op die web te snuffel, sosiale media te gebruik en na musiek te luister.
Die kontrak van 24 maande bied ’n aflaaispoed van 5 Mbps, oplaaispoed van 2 Mbps en onbeperkte data, mits die gebruiker MorClick se beleid vir billike gebruik nakom. Internetgebruik van 00:00 tot 06:00 is vrygestel van laasgenoemde. Satellietinternet word nie deur beurtkrag verlam nie.
Om die betrokke VSAT-toerusting dan aan die gang te kan hou, is slegs ’n klein UPS nodig. Boere kan MorClick met hul GPS-koördinate kontak om uit te vind of hul ligging die nodige siglyn vir ’n satellietverbinding het.
