Sonkrag gaan binnekort in die helfte van sy behoeftes voorsien. Mnr. Jan van Heerden verduidelik hoe hy te werk gaan.
Hy wil voortbou op sy sukses as besproeiingsboer, maar beurtkrag steek kort-kort ’n stok in die wiel. Daarom moes mnr. Jan van Heerden (41) ’n plan maak om Eskomkrag, kragopwekkers en sonkrag te kombineer om in ál sy behoeftes aan elektrisiteit te kan voorsien.
Hy boer op 200 ha besproeiingsgrond by Hartswater in die Vaalharts-besproeiingskema en was onlangs in die nuus toe hy met sy eerste probeerslag nóg met sojabone die boerpot gewen het deur die hoogste opbrengs van 6,28 t/ha met dié gewas onder besproeiing in Graan Suid-Afrika se Groei vir Goud-opbrengskompetisie te behaal.
