Triomf Kunsmis is steeds op die wenpad as vervaardiger en verskaffer van kunsmisprodukte van topgehalte.
In die afgelope paar jaar het Triomf ongelooflike groei getoon, nie net landwyd in Suid-Afrika nie, maar ook internasionaal met sy menigte belange in die globale landboubedryf.
Op Vrydag 15 Augustus het Triomf Ermelo amptelik sy deure geopen en is slaggereed om kunsmisprodukte van hoë gehalte te vervaardig, te stoor en te verskaf aan Mpumalanga asook die Oos-Vrystaat. Die opening van die fabriek was ’n reusesukses. Besoekende boere kon 'n toer van die nuwe produksieaanlegte meemaak waartydens Triomf se besturende direkteur, mnr. Jannie Willemse, produsente meer vertel het van Triomf se baanbreker-produkte.
Hierdie fabriek op Ermelo is spesifiek opgerig om te spesialiseer in Triomf Politain™-produkte, asook Triomf se kenmerkende rooi kunsmis: Nitrex™. Hierdie is slegs fase een van die Ermelo-ontwikkeling: Produsente kan eersdaags uitsien na 'n volledige vloeibare aanleg wat parallel met die korrelaanlegte sal funksioneer.
Vir meer inligting besoek asb. www.triomfsa.co.za
Byskrif: Van links is mnre. Stefan Arnoldi (produsent), Jannie Willemse (besturende direkteur: Triomf) en Barry Swanevelder (Triomf). Foto: Verskaf (Klik net op foto om te vergroot.)
