Bobbejane in Wes-Kaap rig tans groot skade aan weens die tonne Chardonnay druiwe wat hulle opvreet.
Luidens ‘n berig op News24.com is plase in die Franschhoek-vallei deur bobbejane gestroop, wat aan top-graad druiwe weglê.
Volgens die berig het mnr. Mark Dendy-Young, die plaasbestuurder van La Petite Ferme, aan ‘n plaaslike koerant, The Times, gesê hulle kan tot 2 ton per week verloor. “Hulle kan maklik twee ton druiwe per week opvreet as jy dit nie dophou nie, en dit maak tussen 1 500 en 2 000 bottels wyn”.
Volgens Dendy-Young het hy verlede maand 40% van sy oes aan bobbejane afgestaan.
Hy sê die “diewe” laat boere onwetend terugkeer na tradisionele Franse wynmaak-metodes, waar min druiwe geoes word. “In sommige dele van Frankryk laat hulle jou toe om slegs ‘n klein hoeveelheid te lewer… die bobbejane doen dit nou natuurlik vir ons”, vertel hy.
Bron: News24.com
15 Maart 2010
