Suid-Afrika kan binnekort ’n wyntekort ondervind weens ’n daling in druiweproduksie, sê Distell.
Sommige dele van die wêreld ondervind tans ’n wynoorskot, maar in Suid-Afrika kan ’n afname in druiweproduksie binnekort tot ’n wyntekort lei, sê Distell, die land se grootste wyn- en spiritualieëmaatskappy. Suid-Afrika is die negende grootste wynprodusent in die wêreld.
“Party markte ondervind nog ’n wynoorskot. In ander dele van die wêreld blyk dit ons beweeg in die rigting van ’n tekort. In Suid-Afrika, spesifiek, as jy na die totale behoefte vir druifproduksie kyk, beweeg ons nader aan ’n tekort,sê mnr. Jan Scannell, besturende direkteur.
Distell berei homself vir ’n moeilike ses maande voor en beoog om in aanlegte vir die vervaardiging van vonkelwyn en appelwyn te belê.
Bron:
4 September 2009
