Mnr. Rihan Saayman, direkteur en senior navorser by Optimal Agricultural Business Systems (OABS), het op die Inmaakvrugteprodusentevereniging (IPV) se jaarvergadering op Rawsonville gesê die kostekomponent vir vrugteboere se seisoensarbeid het die afgelope jare ongeveer dieselfde gebly en soms selfs effens gedaal. Dít ten spyte daarvan dat arbeid in 2014 een van die grootste bydraers tot boere se produksiekoste was.
“Die minimum loon het van 2012 tot 2013 met 51% op ’n jaargrondslag gestyg. In 2011 was die minimum loon R7,04 per uur en nou is dit R23,19 per uur.
“Dit sê vir my ander elemente het soveel duurder geraak dat dit meer bydra tot produsente se totale koste, of ten spyte van die duurder arbeidskoste per uur word arbeid nou doeltreffender bestuur.”
