Hierdie bevinding van die landbousakekamer Agbiz se landwye toer om eerstehands by boere te verneem oor hul grootste struikelblokke, is onderskraag deur data van die buro vir voedsel- en landboubeleid (BFAP).
Namate plaaslike landbouproduksie verhoog, raak toegang tot meer uitvoermarkte ál hoe dringender omdat plaaslike markte beperkte vermoë het om die groter aanbod te verbruik.
Nie net moet die houvas op sleutelmarkte soos die Europese Unie (EU) behou word nie, daar moet ook uitgebrei word na uitvoermarkte buite die tradisionele gebiede, sê Agbiz.
