Die SpuntaG2 GM aartappel sal nie Suid-Afrikaanse boere of die landbou baat nie, sê die Afrikasentrum vir Bioveiligheid (ASB).Die organisasie meen dat dit, inteendeel, 'n risiko vir boere inhou.
Die ASB het 'n formele beswaar by die Departement van Landbou ingedien. Die dokument spreek die kommer van Aartappels SA, McCain Foods Bpk, McDonald's, Spur, Simba en Fruit & Veg City uit.
Die GM aartappel is bestand teen die aartappelmot, maar volgens die ASB is dit nie 'n ernstige pes in Suid-Afrika nie. Dit val sesde op die ranglys. "Dit lyk asof die aartappelkultivar 'n oplossing vir 'n probleem is wat deur 'n buitelandse laboratorium ontwikkel is - vir 'n probleem wat skaars in Suid-Afrika voorkom," sê me. Mariam Mayet, 'n direkteur by die ASB.
Die groep se aansoek daad die proeflopies wat deur Suid-Afrikaanse boere met die aartappel gedoen is. Hulle meen dat die proewe se ontwerp en vertolking foutief is. Onafhanklike sosio-ekonomiese navorsing toon dat die aartappel nie insetkoste of plaagdoders sal verlaag nie. Wantroue deur verbruikers jeens GM-produkte is ook 'n riisko vir boere.
'n Lys van 2 100 verbruikers van regoor die land het ook 'n petisie geteken om hul teenkanting teen die algemene vrystelling van die SpuntaG2 kultivar duidelik te maak.
Die ASB het aangevra dat boere verdere toetse namens hom doen. Dit is hoogs buitengewoon tydens die vrystelling van 'n GM-produk.
12 September 2008
