Die heuningbosteebedryf het verlede week ‘n onverwagse hupstoot gekry toe die Wes-Kaapse minister van landbou aangekondig het sy departement sal R1 gee vir elke R1 waarmee die bedryf vorendag kom vir bemagtiging en navorsing.
Mnr. Gerrit van Rensburg, provinsiale landbouminister, het op die heuningbosteebedryf se strategiese seminaar op George gesê dié bedryf mag klein wees, maar dit hou potensiaal vir die toekoms in.
Suid-Afrika het ‘n mededingende voordeel met plaaslike produkte soos heuningbostee en moet die geleenthede wat dit bied aangryp.
Die bedryf het bymekaar gekom om onder meer hul sakemodel te bespreek e. Die Suid-Afrikaanse Heuningbostee-vereniging (Sahta) het ‘n strategie ontwikkel om navorsing en ontwikkeling, bemagtiging en tegnologie-oordrag, markontwikkeling, die bestuur van natuurlike hulpbronne en die plasing en kapasiteit van die bedryf te ontwikkel.
10 Maart 2010
