Foto: Andries Groenewald
Die uitvoermark vir vrugteprodusente en verpakkers kan moontlik in ’n groot geleentheid vir uitvoere ontwikkel nadat ’n proeflopie sukses behaal het.
Afgevaardigdes van Vrugte Suid-Afrika het onlangs in Indië gekuier om met owerhede daar te gesels oor die transitoverkoelingverbod in die land.
Volgens Fruitnet.com het die proeflopie op twee verkoelde verskepings van lemoene en pere na Indië baie goed gegaan en die opheffing van hierdie verbod blyk om binnekort plaas te vind.
Volgens die Sitruskwekersvereniging is appels en pomelo’s volgende op die lys en indien hierdie proeflopies ook goed verloop, sal uitvoere van Suid-Afrika na Indië vir hierdie twee vrugsoorte moontlik ook vrygestel word.
