Die vraag na geënte wingerdstokkies vir wynbereiding was verlede jaar wéér op die afdraande pad met 12% minder stokkies wat vir die totale bedryf geënt is. In 2009 was 9,75 miljoen geënte stokke by kwekerye beskikbaar. In 2008 was dit 11,08 miljoen stokkies.
Mnr. Nico van Rensburg van die Wyndruifverbeteringsvereniging sê ‘n dalende tendens word die afgelope vyf jaar al opgemerk. Produsente se vraag na wynwingerdstokkies neem af, en kwekerye kan dit nie bekostig om stokkies te ent as hulle nie ‘n afset daarvoor het nie.
“Dit beteken produsente vervang nie wingerde wat hulle uitkap nie, en oor die langtermyn gaan dit ‘n uitwerking hê op die totale produksie,” sê Van Rensburg.
Hy is versigtig om ‘n voorspelling vir vanjaar se seisoen te waag, want produsente trek eers in Junie en Julie wingerd uit en neem dan besluite oor vervanging.
Lees ook:
6 Mei 2010
