Daarmee saam groei die wêreldwye verbruik van olyfolie die afgelope drie jaar vinniger as olyfproduksie. Die prys van olyfolie het ook minimaal gestyg vergeleke met die prys van kookolie.
Daar was egter probleme weens beurtkrag in die oes- en verwerkingseisoen, bykomende koste wat as gevolg daarvan aangegaan moes word, en ’n gevolglike vermindering in die besteebare inkomste. Die bedryf moes ook verwronge indrukke weens verkeerde inligting oor olyfolie regstel, soos dat die meeste olyfolies in supermarkte nagemaak is.
Jooste sê die gefragmenteerde aard van die bedryf en die feit dat klein produsente nie genoeg produseer om te kan uitvoer nie, is nog ’n kwessie.
