Volgens mnr. Renaud Rousset, uitvoerbestuurder van AMB Rousset, kan die R19 ten volle nommerpas gemaak word vir elke kliënt met ’n reeks toevoegings om by verskillende toestande aan te pas. Die R19 se veewydtes kan verstel word om neute op wydtes van 2,68 m tot 5,32 m op te tel.
Na gelang van die toestande kan die masjien 2 ha se makadamias binne sowat drie uur oes. Die R19 kombineer goeie werksverrigting en beweeglikheid: Die gevorderde vierwielaandrywing en stuurmeganismes vergemaklik hantering op verskillende terreine. Die wye bande en lae druk minimaliseer spore op die grond. Die oesmasjien mag op paaie bestuur word.
PRYS: Prys op aanvraag.
