Die voortgesette winsgewendheid van makadamias is wêreldwyd onder druk en ‘n internasionale organisasie sal gestig word om dié neute se status te verhoog.
’n Internasionale makadamia-organisasie (IMAC) kry dalk binnekort beslag om onder meer die produk se status te verhoog en die verbruik daarvan wêreldwyd te bevorder. ’n Verteenwoordigende komitee is aangewys om die aanvoorwerk te doen vir die totstandkoming van só ’n organisasie.
Dié komitee het beslag gekry op die vierde internasionale makadamiasimposium in die Berg-en-Dal-ruskamp in die Nasionale Krugerwildtuin. Tydens die simposium is kommer uitgespreek oor die voortgesette winsgewendheid van die bedryf wêreldwyd.
’n Missie en doelwit is vir die te stigte internasionale organisasie voorgehou en die doelwit is om die vraag na makadamias wêreldwyd te verhoog.
Lees meer in Landbouweekblad se uitgawe van 9 Oktober 2009.
2 Oktober 2009
