Dit is nie maklik om enige gewas, veral preie en babagroente van gehalte, regdeur die jaar in ’n enkele klimaatsone te verbou nie. Babapreie verkies sanderige leemgrond en ’n koel klimaat, dus is die besige Desember en die warm, droë weer ’n kwessie.
Ons produseer preie by Skeerpoort en Brits. Hoewel dit naby aan mekaar is, is daar groot temperatuur- en humiditeitsverskille.
Dit is taamlik kort, sowat 16 weke van ontkieming tot oestyd in die somer. In die koeler wintermaande duur dit 26 weke.
