Daarom het Thom ook sy eie fabriek op die plaas opgerig waar die ryp vrugte uit die boorde verwerk en in gedroogde vorm bemark word. Hy en sy gesin het in 1970 van Manyara, Tanzanië, na Suid-Afrika teruggekeer nadat hy sy welvarende boerdery daar weens die politieke klimaat laat vaar het.
In Tanzanië het hy onder meer met koffie, mielies, anato en papaïen (die melk van groen papajas wat gedroog word) geboer. Met sy terugkeer wou hy eers papaïen bemark van papajas wat op kontrak in die Laeveld verbou sou word, maar die skerp styging in brandstofpryse het sy plan verongeluk.
Nadat hy op Bahati, wat al voor sy vertrek na Tanzanië aan hom behoort het, gemerk hoe sterk ’n taaipitperskeboom daar groei en hoe mooi sy vrugte is, het hy in 1974 besluit om 300 bome te plant. In die heel eerste boord is hoofsaaklik geelperske-tipes, soos Oom Sarel en Malherbe, gevestig.
