Die inmaakappelkoosoes (Bulida-appelkose) was vanjaar sowat 4,7% groter as verlede jaar. Altesaam 31 525 ton appelkose is vanjaar ingemaak of gepuree.
“Dit is in teenstelling met die meeste vrugsoorte waar die vruggroottes aan die kleiner kant is en ligter oeste verwag word,” sê mnr. Jacques Jordaan, uitvoerende hoof van die Inmaakprodusentevereniging (IPV).
Volgens mnr. Jaco de Wet van die plaas Retreat naby Robertson is sy appelkoosoes met omtrent 10% op teenoor verlede jaar.
