'n Toetsfasiliteit aan die Universiteit van die Vrystaat (UV), wat die enigste van sy soort in Suid-Afrika en 'n leier op sy gebied in Afrika is, het 'n toekenning van R3,284 miljoen van dieSuid-Afrikaanse Nasionale Biodiversiteitsinstituut (Sanbi) ontvang om die bioveiligheid van geneties aangepaste gewasse in Suid-Afrika na te vors.
Prof. Chris Viljoen van die GMO-toetsfasiliteit aan die UV sê die toekenning vorm deel van 'n samewerkingsooreenkoms tussen Suid-Afrika en Noorweë om die veiligheid van geneties aangepaste gewasse te ondersoek.
Die toekenning maak ook voorsiening vir twee M.Sc.-beurse, asook vir 'n streekwerkswinkel oor bioveiligheid. Die navorsing sal fokus op gene-vloei tussen geneties aangepaste mielies (GM) en nie-GM-mielies en die moontlike impak daarvan op die ontwikkeling van insekweerstand.
19 Maart 2009
