Nie net sal dit op lang termyn geld bespaar nie, maar dit kan ongekende groeigeleenthede aanwakker.
Jou veearts is nie ’n noodwiel wat net uitgehaal word as daar ’n krisis is nie. Veeartse lewer ’n onontbeerlike diens in ’n tyd waar veeboere se oorlewing bepaal kan word deur biosekerheid op die plaas en die siektevrye status van die dier.
Dit gaan egter eers ’n kopskuif van boere verg, sê dr. Danie Odendaal, konsulterende kuddegesondheidsveearts en direkteur van Veearts Netwerk (V-Net).
