Dit was die departement se minagting van die regte van gewone burgers wat hom ’n nederlaag in die Noord-Gautengse hooggeregshof op die hals gehaal het, sê regskenners, en nie die jag- of teelpraktyke van die wildbedryf nie.
Die hof het verlede maand die trust vir bedreigde natuurlewe (EWT) en die SA Jagters- en Wildbewaringsvereniging (SAJWV) gelyk gegee dat daar nie voldoende openbare deelname was voordat 45 wildspesies ingevolge bogenoemde wet as landrasdiere gelys is nie. Die hof het die lysting van die diere daarom ter syde gestel.
In sy hofaansoek om die departement se besluit te hersi en en ter syde te stel, het die EWT aangevoer daar was onder meer nie voldoende en inklusiewe openbare deelname rakende die besluit nie en dat dit deurgevoer is sonder konsultasie met ander staatsdepartemente.
