Die landgoed se 2014 Directors’ Reserve-olyfolie het goud verower by vanjaar se New York Internasionale Olyfolie-kompetisie en is deur 15 internasionale beoordelaars tydens blindeproe-sessies uit 671 inskrywings van 25 lande gekies as die beste robuuste ekstrasuiwer olyfolie. Die landgoed het ook 94% gekry in ’n Italiaanse kompetisie – Flos Olei 2015.
“Die proepanele van hierdie swaargewig internasionale kompetisies bestaan uit die wêreld se beste olyf-connoisseurs,” sê mnr. Andries Rabie, besturende direkteur van Willow Creek.
“Die feit dat ons meegeding het teen olyfolies van die Noordelike Halfrond wat ses maande varser is as olies van die Suidelike Halfrond, maak hierdie prestasie selfs meer besonders. Suid-Afrika staan nie ’n tree terug as dit kom by die lewering van hoë-kwaliteit olyfolies nie, selfs nie wanneer daar meegeding word met olyfoliereuse soos Italië en Spanje nie.”
Besoek Willow Creek se webwerf vir meer inligting, of skakel 023 342 5793.
