Mnr. Alfons Visser, voormalige Boer van die Jaar, verduidelik hoe hierdie ‘landbou-Takealot’ gaan werk.
Al hoër produksiekoste en struikelblokke met oesfinansiering deur handelsbanke of landboubesighede oorheers tans landbougesprekke. Om die neiging te stuit dat landbougrond se waarde minder styg in verhouding tot produksiekoste en uiteindelik ’n koste- en finansieringsknyptang veroorsaak, is mnr. Alfons Visser, megaboer van Hartswater in die Vaalharts-besproeiingskema, ver gevorder met die ontwikkeling van ’n digitale platform.
Daarvolgens sal ’n boer die verkoopkontrak van sy produk in dollarwaarde as sekuriteit kan aanbied om insette in dollarwaarde aan te koop.
