AFGRI
BEAN
07 Des
-
7536
0,00
CORN
07 Des
-
3733
25,00
SOYA
07 Des
-
7530
-9,00
SUNS
07 Des
-
11400
183,00
WEAT
07 Des
-
6285
-45,00
WMAZ
07 Des
-
3545
39,00
YMAZ
07 Des
-
3586
18,00
AMT
Beeste A2/3
26 Nov
-
54,24
-0,63
Beeste AB2/3
26 Nov
-
52,63
0,45
Beeste B2/3
26 Nov
-
50,32
0,23
Beeste C2/3
26 Nov
-
47,11
0,09
Bevrore Hoender
26 Nov
-
28,88
0,13
Bokkies (onder 30 kg)
26 Nov
-
62,18
-0,18
Bokooie
26 Nov
-
45,29
4,41
Groot (meer as 40 kg)
26 Nov
-
45,42
4,21
Hoender (IQF)
26 Nov
-
27,42
0,12
Medium (30-40kg)
26 Nov
-
57,4
8,84
Pork Average
26 Nov
-
28,41
-0,07
Poultry Average
26 Nov
-
28,82
0,11
Skaap A2/3
26 Nov
-
85,3
-0,27
Skaap AB2/3
26 Nov
-
76,69
-0,67
Skaap B2/3
26 Nov
-
72,23
-0,44
Skaap C2/3
26 Nov
-
69,96
-0,48
Speenkalf
26 Nov
-
41,14
-0,16
Spekvarke
26 Nov
-
29,41
0,01
Stoorlammers
26 Nov
-
44,39
0,84
Varkwors
26 Nov
-
23,5
0,04
Vars Hoender
26 Nov
-
30,18
0,10
Vleisvarke
26 Nov
-
28,44
0,06
Wol (skoon)
26 Nov
-
175,29
-0,07

Angoras verower nuwe gebied

akkreditasie
Klein-Karooboere het 'n goudmyn ontdek wat as dit reg hanteer word, vir hulle duisende rand in die sak kan bring. Vir die eerste keer in 'n lang tyd word die bossie- en struikveld van dié streek nou met kleinvee, veral Angoras benut.
Uit: Landbouweekblad, 13 Oktober 1964

Aan die begin van hierdie eeu is die duisende morg weiveld in die Klein-Karoo hoofsaaklik vir volstruise gebruik. Toe die volstruisbedryf in duie stort, is dié weiding vir dekades rusgelê met die uitsondering van 'n troppie Boerbokke hier en daar.

Nou lyk dit anders.

Gedurende die afgelope paar jaar het die boere egter opnuut van hul veld bewus geword en word dit in toenemende mate ingespan. Merino's, Dorpers en Boerbokke het hul verskyning gemaak, maar mens kry die indruk dat veral die Angora tans besig is om hom in dié streek te vestig.

'n Man wat goed met Angoras in dié Klein-Karoo vaar en ook een van die eerste manne is wat sowat 11 jaar gelede met Angoras in dié streek begin boer het, is mnr. T.H. Heyns van Groot-Doornrivier, Zebra naby Oudtshoorn. Hy is ook voorsitter van die Sybokhaarkwekersvereniging in die Klein-Karoo.

Só het mnr. Heyns se Angoras op die voorblad van d
Só het mnr. Heyns se Angoras op die voorblad van die Landbouweekblad van 13 Oktober 1964 gepronk.

Mnr. Heyns vertel dat die duisende morg weiveld wat onlangs nog nutteloos en ongebruik in dié streek gelê het, vir hom 'n doring in die vlees was. Hy het by ervare boere in die Oos-Kaap gaan kers opsteek en van hulle na sy plaas genooi.

"Man, jou veld is reg vir Angoras en Merino's om die helfte," was hul raad. Sy 10 000 morg veld - 'n groot deel daarvan is aan die noordelike kant van die Outeniekwabergreeks - dra tans 1 800 Angoras en 1 800 Merino's deur die jaar.

Hy het gou ontdek dat hy reg besluit het en dat die kleinvee tot nog toe ongebruikte veld in 'n goudmyn omskep, sê mnr. Heyns. Hierdie ranteveld bestaan uit 'n verskeidenheid van kort Karoobossies gemeng met kort en hoë struike, terwyl die bokke die doringbome en hoë struike bydam.

Mnr. Heyns het ook geen beswaar dat die skape en bokke saam wei nie. Die twee troppe boer deurmekaar en die bietjie bokhaar wat op die skape se wol beland, dring nie soos die steekhare van die Boerbok in die wol in nie en word maklik deur die bosse van die wol afgeveeg, vertel hy.

Ses maande oue hare op een van mnr. Heyns se Angor
Ses maande oue hare op een van mnr. Heyns se Angoras. Let op hoe skoon die hare is. Mnr. Heyns skryf dit toe aan die feit dat sy bokke nie snags in die kraal staan nie.
Só lyk die monster wit Kaapse bokhaar wat mnr. Hey
Só lyk die monster wit Kaapse bokhaar wat mnr. Heyns uit Engeland saamgebring het. Hierdie hare is op 5 September 1898 na Brittanje gestuur.

Om welslae met die Angoraboerdery te kon behaal, moes mnr. Heyns sekere aanpassinge maak. Om verliese weens koue te voorkom, reël hy bv. sy skeertye só dat die bokke gedurende die wintermaande nie kaal is nie. Hy skeer die begin van Maart sodat die bokke reeds weer 'n redelike bedekking het wanneer die ergste koue toeslaan. Die volgende skeertyd is die begin van September wanneer dit reeds begin warm word.

Jakkalse lewer nog baie probleme in dié geweste. Daarom is dit op baie plase nog 'n gebruik dat die bokke saans kraal toe kom. Mnr. Heyns se plaas is egter reeds met jakkalsdraad omhein. Volgens hom het dit die groot voordeel dat diere baie rustiger in die kampe kan bly en geen energie deur onnodige lopery verlore gaan nie. Die uithoeke van die veld kan sodoende ook beter benut word.

Daar is darem ook sowat 100 morg lusern op die plaas. Die diere wei egter nooit daarop nie. Alles word gesny, gebaal en vir droogtes weggebêre. Net die ooie kry groen lusern wanneer hulle lamtyd in klein kampies elk met 'n stukkie veld en 'n stukkie lusernweiding kom. Die veld bied genoeg verskeidenheid van dieet en skuiling teen die koue, terwyl die lusern sorg vir genoeg melk om die lammers 'n goeie begin te gee.

Een van mnr. Heyns se Angora-ooie met 6 maande har
Een van mnr. Heyns se Angora-ooie met 6 maande hare.

Selfs die weiding teen die hange van die Outeniekwaberge word goed deur die Angoras, veral die kapaters, benut, aldus mnr. Heyns. Hoewel nie baie goed nie, is hierdie veld soet en loop die bokke vir die vier warmste somermaande van die jaar daar wanneer die Karooveld baie droog is. Die skape kom gewoonlik eerste in die bergveld om die gras weg te vreet waarna die bokke volg. Om tekorte in die bergveld aan te vul, het die diere vrye toegang tot 'n lek.

Hoewel mnr. Heyns homself nog maar 'n jongeling in die Angorabedryf bestempel vaar hy baie goed. Konserwatief bereken, hou hy tans op sy beskikbare weiding sowat een skaap of bok per twee morg aan. Hy vertel voorts dat hy 8 tot 10 pd. haar per jaar van sy volgroeide bokke skeer en meen dat daar 'n groot toekoms vir die Angora in die Klein-Karoo is.

Aborsie lewer ook nie 'n baie groot probleem nie omdat hy streng daarteen selekteer.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons geklassifiseerde advertensies en plaas jou advertensie in Landbouweekblad én aanlyn. Vind ook vinnig en maklik die produk waarna jy soek!

Sien meer
Rand - Dollar
15.98
-0.3%
Rand - Pond
21.18
-0.2%
Rand - Euro
17.99
-0.1%
Rand - Aus dollar
11.32
-0.8%
Rand - Jen
0.14
-0.1%
Goud
1,780.31
+0.1%
Silwer
22.42
+0.2%
Palladium
1,869.76
+0.8%
Platinum
957.44
+1.6%
Brent-ruolie
73.08
+4.6%
Top-40
65,829
+1.9%
Alle aandele
72,244
+1.7%
Hulpbronne 10
69,052
+2.4%
Industriële 25
95,510
+2.3%
Finansiële 15
14,014
-0.5%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Gaan elke dag voluit. More is nie vir ons verseker nie
Is buite mens. Hou van visvang kamp en sport. Is n mense mens. Plat op die aarde en so so lief vir kinders
Hoekom dan nou nie
Hou van om die vuur sit met vriende Visvang en soms in die bed le en movies kyk as die weer reg is. lewe is te kort vir drama ,😁
Vind jou perfekte maat nou!
Ek is 'n:
Op soek na:
Ouderdomsgroep: tot